Visit Serre en toiture – Agriculture Urbaine

« Multilitéit » – en Daachgaart entstanen no villen Echangen déi sech  ronderëm ee gemeinsaamt Zil gedréint hunn : d’Prinzippien vun der « économie circulaire » ëmsetzen, also Verdeelung, Réckgewannung, Reparatur, Recycling a Weiderverwäertung.

Dëse wirtschaftleche Modell baséiert op CLIC™ (“Circular, Lean, Inclusive, Clean”), dat heescht zirkulär, effizient, inklusiv a propper.Am Atelier Hondsburren sti mir a fir Harmonie a Respekt fir d’Liewen am breede Sënn. Et bezitt sech op Leit wéi och op Planzen. Kuerz Weeër a lokal Liwweranten a Clienten gi favoriséiert. Eis Zär bitt verschidden Zorte vu Kultivatioun: alles ouni chemeschen Dünger a Pestiziden ze benotzen.

D’Ingrediente fir eis Müslirigelen, déi am Atelier gemaach ginn, gi no verschidden Krittären ausgewielt: Bio a souwäit et méiglech ass lokal a vu Wooltz oder an der Ëmgéigend.Eist Zil ass et eis Aarbechter, eis Konsumenten, d’Ëmwelt an d’Gesondheet vun all Mënsch ze schützen. Eise Credo gëtt definéiert duerch d’Wäerter vun der ATP asbl : Respekt, Diversitéit, Kooperatioun, Entwécklung, mental Agilitéit a Balance an all eisen Handlungen.Den Atelier Hondsburren soll eng Plaz sinn fir Austausch a Openeen-Treffen  – eng Plaz fir Interaktioun, Selbstbestëmmung an Entwécklung vun de Leit déi do schaffen, mam Zil eng nohalteg Integratioun um éischten Aarbechtsmaart ze erreechen.